Ressamê katalanî Andrea Btoyî seva serrgêra 8. ya Şorişê Rojawanî resimê şerwananê YPJyî serê dêsan de xêz kerdî û selam kerd şoriş.  

Botyî ANFyî reyde qisey kerd û îfade kerd ke Şorişê Rojawnaî têna şorişê kurdan nê seba pêrp şaran bi sembol. Botyî vat: ''Ez zî pê hunerê xo wayîrê şorişî vejîyena.''

Botyî 19ê temmuze de Şorişê Rojawanî de zî pêramotişêk Viyana de akerdbi. Botyî vat: ''Seba pêramotişî mi ra resimêk ame waştene. Mi seba paştdayîşê kurdan û  Şorişê Rojawanî dêsan ser o resimê cinîyêka kurde viraşte.  Festîvale ra verî ez tewrê kombîyayîşêkê CNTyî yê sendîkaya anarşîstan bîya. Kombîyayîş de derheqê têgêrayîşê kurdan, têgêrayîşê cinîyan, Şorişê Rojawanî, Kolektîfê Cinîyan de zanayîşî ameyî dayene. Nînan zaf tesîrê mi kerd. Paştdayîşo unîversal seba mi zaf manadar o, coka seba mi têgêrayîşê kurdan û Şorişê Rojawanî zî girîng ê. Kurdîstan de sere de cinîyî şar ganî cuyêka azadî ra qet fek vera nêdê.

Paştdayîşê kurdan seba mi rûmet o. Ez pêro şerwananê Kurdîstanî rê selamê xo erşawena. Cinîye, cuye, azadîye...''