Hozan Sefkan 16ê nîsana 1985î de Heftanîn de şehîd bibi. TEV-ÇANDî Hozan Sefkan bi eşkerayîyêke yad kerd.

TEV-ÇANDî vist vîrî ke Hozan Sefkanî 1982 de Hozane Mizgîne reyde Ewropa de dest pê xebatanê kultur û hunerî kerdo û 1983 de Kongreya Kultur û Hunerî ya Yewine arda pêser.

TEV-ÇANDî vat: ''Kongreya yewine de Komeleya Hunermendanê Welatperweran ê Kurdîstanî (HUNER-KOM) ameye ronayene. Embaz Sefkanî hunermendanê bînan reyde xebatê kultur û hunerî rêxistin kerdî û Koma Berxwedanî naye ro. Xebatanê HUNER-KOMî kultur û hunerê kurdan aver berd.

1984 de Hozan Sefkan agêra Kurdîstanî. O, embaz Rauf Akbay û Îdrîs Okmen zî tede 8 gerîlayî 16ê nîsana 1985î de Heftanîn de şehîd bîyî.

Têkoşînê şehîdan hedefê kolonyalîstan pûç kerdî û berêko newe akerd. Serkêşîya şehîdan de Kurdîstan de waranê edebîyat, huner û kulturî de dewrêko newe dîya destpêkerdene. Vîrameyîşê şehîdan verê kultur û hunerî roşnî kenê. Coka Şehîd Sefkan ciwîyeno û do tim serkêşîya şarê Kurdîstanî bikero. 

Bi na wesîle ma venga pêro kedkaranê kultur û hunerî danê ke wayîrê erk û mesuldarîyanê xo vejîyê.''