Qeyûmê Amedî yê 2016î pêkerdişê xeylêk kaykerdoxanê tîyatroyî yê pabesteyê Şaredarîya Bajarê Girdî ya Amedî îptal kerdbî. Rixmê naye 15 kaykerdoxê ke falîyetanê xo ra dûrî nêvîndertî bi îmkananê xo 2017 de Tîyatroyê Bajarî yê Amedî yo ke 82 kapasîteyê koltuxanê ci esto akerd.

Tîyatroyê Bajarî yê Amedî nê 3 serrî yo ke hewte bi di kayanê kurdkî vejîyenê vernîya temaşekerdoxanê xo. Reyna no demî de hîrê festîvalê tîyatroyî organîze kerdî û aktîvîteyê cîya cîya viraştî. Nika hewcedarîya cayêkê hîna girdî esta la îmkanê kaykerdoxanê çîn o. Kaykerdoxan dest pê kampanyaya paştdayîşî kerde. Kesê ke paştî bidê do kay û aktîvîteyanê tîyatroyî rê sey taybet bêrê dawetkerdene.

Kampanya ke semedê paştdayîşê Tîyatroyê Bajarî yê Amedî yena kerdene şima eşkenê nê lînkî ra biresê ci.

https://fongogo.com/Project/amed-sehir-tiyatrosu-yeni-sahne-projesi-5