Hemserekê MATUHAYDERî Zekî Kiliçî vengdayîşê bi vîdeoyî yê Rayber Apoyî ANFyî rê ercna.

Kiliçî da zanayene ke no vengdayîş zaf girîng bîyo ke 27 serran ra dima vengê ey eşnawîyayo. Kiliçî vat: ‘’Ma sey keyeyanê tepişteyan xora wayîrê nê prosesî û vengdayîşê Ocalanî vejîyenê. Zîndanan de embazê ma zaf ê ke ma wazenê hinî nê azad bibê. Vengdayîşê Birêz Ocalan mesuldarîyêka pîle wazeno. No vengdayîşo tarîxî seba ma zaf girîng o. 

Vengdayîş û dîmenê Birêz Ocalanî keyeyan de hêvîyêka pîle viraşte. Hinî ganî hukmatê AKPyî û dewlete game bierzê. Ma dî ke qiseyanê Birêz Ocalanî waştişê komelê demokratîkî û haştîye xurtêr kerdî. Ma do bi destkewteyanê komelê demokratîkî nê prosesî tacîdar bikerê û heta peynî têkoşîn bikerê. Embazê ke do zîndanî ra vejîyê, ma do nînan zî tewrê prosesî bikerê û têkoşînê xo rê dewam bikerê.’’