Ferhad Demîr bi dîyalektîkê gorankî yê kurdkî muzîk keno. Demîr Agirî ra yo û dîyalektîkê ci kurmanckî yo. Demîr 10 serran Agirî de hîrê serran ra nata zî Îstanbul de muzîkê kuçeyan keno. Demîrî îfade kerd ke muzîkê kurdkî goreyê ê verî aver şîyo.

Demîrî eşkera kerd ke Tirkîya û Vakurê Kurdîstanî de reya verêne o bi gorankî deyîran vano û vat: ''Mi rîskêk girewt. Mi armanc kerd ke muzîkê pêro dîyalektîkan bêro goştarîkerdene. Ez ser zî kewta. Xeylêk kesan deyîrê mi goştarî kerdî û tira hes kerd.''

Demîrî da zanayene ke Tirkîya de bi serran vera kurdkî asîmîlasyonêko giran esto û vat: ''Verê cû zî seba ke ez muzîkê kurdkî virazena xeylêk çîyî ameyî sereyê mi. Mîyanê tay deyîranê mi de nameyê Kurdîstanî derbaz keno. Bingeyê nê asîmîlasyonî sîyasî nê kulturel o. Ez porpganda nêkena têna vera asîmîlasyonî  muzîkê kurdkî kena.''