Gerîlayanê HPG/YJA Starî bi amacê silamkerdişê serra 41. ya PKKyî Serhed de çalakîyêk viraşte. Wesayîto zirxin o bi tîpê kîrpî bi temamî ame îmhakerdene, qaso ke tesbît bi 15 leşkerî ameyî kiştene.
Merkezê Çapemenî û Îrtîbatî yê HPGyî derheqê çalakîyanê gerîlayan û hêrişanê artêşa tirkî ya îşxalkare de eşkerayîyêka nûştekîye daye.
Eşkerayîya HPGyî de vajîya: “Hêzanê ma çarçiwaya Hemleya Serkewtişê Şorişgêrî de ke Eyaletê Serhedî de ameya destpêkerdene roja 26ê Teşrîna peyêne saet 02.00 de hemverê wesayîtêkê bi tîpê kîrpî yê aîdê artêşa tirkî ya îşxalkare ke Qereqolê Axurî yê Başan ê Îdirî ra ver bi merkezê qeza şîyêne çalakîyêk viraşte. Wesayîto ke mesafeyêkê nizdî ra gîrîya binê gulevaranî, hêzê ma şîyî verê ci, vêşna û bi temamî îmha kerd. Na çalakîye de qaso ke tesbît bi 15 leşkerê dişmenî ameyî kiştene. Qereqolanê dormeyan ê ke dimayê çalakîye ra waşt muxadele bikerê zî hetê hêzanê ma ra bi hawayêkê bitesîrî pawanîyayî. Artêşa tirkî ya îşxalkare heta saet 07.00ê serê sibayî nêeşkaye ke enkazê wesayîtî û cenazeyanê leşkeran wareyî ra wedaro. Na çalakî bi wesîleya silamkerdişê serragêrayîşê 41. yê PKKyî amî viraştene.”
TEYAREYAN ÇEMÇO Û METÎNA BOMBARDÛMAN KERDÎ
HPGyî derheqê hêrişanê hewayîyan ê artêşa tirkî de zî nê hayîdarîyî dayî:
“Roja 26ê Teşrîna peyêne saet 21.30 de teyareyanê şerî yê artêşa tirkî ya îşxalkare wareyê Çemçoyî yê pabesteyê herêma Zapî ya Wareyê Pawitişî yê Medya bombardûman kerd.
Roja 27ê Teşrîna peyêne saet 00.30 de zî teyareyanê şerî ancî Qilê Zendûra yê pabesteyê herêma Metîna ya Wareyê Pawitişî yê Medya bombardûman kerd. Her di hêrişan de zî vîndîbîyayeyêkê gerîlayan nêvirazîya.”
