Endamanê DGHyî Amed de 12 nuqteyan rê beyraqê PKKyî aliqnayî.

Koordînasyonê DGHyî eşkerayîya xo ya nûştekîye de vat ke çalakîyî hetê “Yewîya Qesasî ya Şehîd Serhildan Garzanî” ra ameyê viraştene.

Goreyê eşkerayîye bi hawayêkê hemwextî 12 nuqteyan de beyraqê PKKyî ameyî aliqnayene, bi seyan vilawekî ameyî vilakerdene, pîrozkerdişê bi fîşeganê hewayîyan ameyî kerdene û dêsan de nûşteyî ameyî nûştene.

Çalakîyê ke 26ê Teşrîna peyêne de ameyî viraştene wina ameyî rêzkerdene:

“- Mehlayanê Kaynartepe, Muradîye, Korhat, Fatîh, Fîskaya, Sur û Huzur Evlerî yê Amedî de bi seyan vilawekî ameyî vilakerdene.

- Semtanê Ofîs û Fîskaya yê Amedî de bi hawayêkê hemwextî bi fîşeganê hewayîyan pîrozkerdişî ameyî kerdene.

- Mehlayanê Kaynartepe, Muradîye, Korhat û Fatîhî yê Amedî de çalakîya dêsan de nûşteyan viraştişî amîya viraştene.”

DHGyî vat ke “Nê heme çalakîyî tarîxê 26ê Teşrîna peyêne ke xeylî tedbîrî ameybî girewtene de ameyî viraştene. Heta tecrîdê serê rayberîye dewam bikero do çalakîyê ma zî dewam bikerê.”

Eşkerayî bi vengdayîşê organîzebîyayîş, perçekerdişê kolonyalîzmî û şikitişê tecrîdî qedîyaye.