Parlamenteranê HDPyî yê Amedî Salîha Aydenîze, Semra Guzele û Musa Farisogullari ya pîya grûbêk  banê HDPyî ra verbi Zîndane Amedî yo ke Leyla Guvene tede 64 rojî yo grevê vêşnayîye de ya, rayra şîyî.

Organîzsayonê HDPyî yê Amedî seba paştîdayîşê Leyla Guvene ya ke 64 rojî yo seba wedartişê tecrîdê serê Ocalanî grevê vêşanîye de ya rayraşîyayîşêk organîze kerd. Çalakwanî vernîya banê HDPyî yê bajarî ra heta vernîya Zîndanê Tîpê Tyî yê Amedî rayra şîyî. Çalakwan gama ke waşt ke derheqê grevê vêşanîye de eşkerayîyêk bide polîsan mudaxale kerd. La rixmê naye aşkerayîye hetê Semra Guzele ra ameye dayene.

Guzele da zanayene ke na çalakî bi peşnîyazê şarê Amedî ameya viraştene û vat ke do heta  şiknayîşê tecrîdî mucadeleyê ma dewam bikero.