10 keyeyê şingalijî kampanê Başûrê Kurdîstanî ra agêrayî warê xo. Nê keyeyan îfade kerd ke înan pê agêrayîşê xo waşt ke vera Îdareyê Bexdadî tewirê xo bimojnê û vajê ke Şingal hînî aram o.

Goreyê agahîyanê Komîteya Pêşwazîkerdişê Koçberan a Îdareyê Xoserî ya Şingalî nê 10 keyeyî Sinûn û Xanêsor de ca bîyî.

Nê keyeyan ra Xelef Dexîlî da zanayene ke wa agêrayîşê înan sey 'wayîrvejîyayîşê Şingalî' bêro famkerdene û vat: ''Şingal aram o û hewce çin o ke sîstemê ci yê pawitişî bêro bedilnayene.''