20 ciwanî çarçewa kampanyayanê "Cenga Azadiyê Serbixin" û "Jin Jiyan Azadî Serbixe Azadî" de vengdayîşê Komalanê Ciwanan ser o tewrê gerîlayan bîyî.

Ciwanan bi eşkerayîyêka çapemenîye îlan kerd ke ê refanê gerîlayan de cayê xo gênê.

Eşkerayîya ciwanan bi kilmî wina ya:

''Seke zanîyeno de Rayber Apoyî ra 2 serrî yo xeberêke nêna girewtene. Dewleta tirke ya faşîste û qirkere kena ke pê tecrîdî Rayber Apoyî ma ra dûrî bivisna. Xoverdayîşê Îmraliyî yê Rayber Apoyî mojneno ke 'hêzêko tewr pîl şar o.' 15ê Tebaxa 1984î de serkêşîya Fermandar Egîdî de vera dişmenî guleyo verên erzîya û a roje ra nata ciwanî bi ruhê Fermandare Egîdî û embaze Zîlane verê xo danê koyan.

Ma bi nê ruhê şorişgêrî do tewrê nê rayraşîyayîşê azadîye bibê. Herêmanê Pawitişî yê Medya de embazanê xo hetî de bibê. Ma sey ê ciwananê ke paradîgmaya Rayberîye qebul kenê hêrişanê dişmenî qebul nêkenê û tek rayîrê çareserîye weçînenê. Seba azadîya Rayber Apoyî, qesasê şehîdanê ma û awankerdişê cuya azade ma tewrê gerîlayan benê.

Ma çarçewa kampanyayanê "Cenga Azadiyê Serbixin" û "Jin Jiyan Azadî Serbixe Azadî" de cewab danê vengdayîşê Komalanê Ciwanan û Komalanê Cinîyan ê Ciwanan. Ma venga pêro ciwananê Kurdîstanî danê ke tewrê gerîlayan bibê. Bêrê tewrê gerîlayanê modernîteya demokratîke bibê! Ma serrgêra 39. ya Hemleya 15ê Tebaxe fîraz kenê. Ma soz danê ke çekanê şehîdanê Zap, Metîna û Avaşînî bigêrê, têkoşînê şorişî bikerê, xeyal û hedefanê şehîdan bîyarê ca. Ma do seba azadîya şarê xo têkoşînê şorişgêrî ser bivisnê.''