Kampa Multecîyan a Mexmûrî de Yusuf Pîrosî, Têkoşer Pêncewîn û Zerdeşt Îsyan ê ke 27ê temmuze de Elkê de şehîd bîyê bi merasîmêkê pîlî ameyî yadkerdene.

Merasîm Dezgehê Keyeyanê Şehîdan de ame kerdene û xeylêk kesî tewrê ci bîyî. 

Ehmed Nêrwehîyî tîya de nameyê şarê kampe ser o qisey kerd  û pare kerd ke Yusuf Pîrosîyî qetî sînorê dişmenî nêşinasnayê û tim seba azadîye xîret kerdo. Nêrwehîyî vat: ''Ma do qetî şehîdan xo vîr a nêkerê.''

Cinîya Yusuf Pîrosîyî Beyaze Pîrosî zî merasîm de qisey kerd û vat: ''Wa sereyê Kurdîstanî weş bo. Dejê ma giran o la ma pê ey sereberz ê. Oyo ke ma dejneno îxanet o.''

Merasîm bi slogananê sey “Şehîd Namirin”, “Bijî Serok Apo” û “Bimre Xiyanet” qedîya.