Rayberîya Torra Ziwan û Kulturî de 45 dezgeh, tîyatro, nuştox, hunermend, weşanxane û rêxistinanê komelê sivîlî derheqê kişîyayîşê Bariş Çakanî, rijîyayîşê Kitabxaneyê Celadet Elî Bedirxanî û hêrişanê vera ziwanê kurdkî de eşkerayîyêka nuştekîye vila kerde. Eşkerayîye de hêriş û nîjadperestîya vera ziwan û kurdkî ameye şermezarkerdene.

Eşkerayîye wina ya:

''Roje çin a ke kurd û ziwanê kurdkî nêrê hedefkerdene. Çend rojî verê cû Kitabxaneyê Celadet Elî Bedirxanî pê destê qeyûmî rijîya. Qezîfedarkerdişê qeyûman ra dima qeyûman tabelaya kurdkî wedarite, kurdkî rîpelanê şaredarîye ra estarite, kitabxaneyê kurdkî rijnayî û her firsend de hêrişê kurdkî kerd.

Çanakkale de Ekrem Yaşliyo 70 serre seba ke pê ziwanê kurdkî qisey kerdêne vera ci hêriş ame kerdene, Sakarya de Şîrîn Tosuno 19 serre seba ke kurdkî qisey kerdêne kişîya. Heyf o ke hêrişê nîjadperestî nênê cezakerdene. Coka hêrişî ewro zî dewam kenê û aseno ke siba zî do dewam bikerê.

Çend rojî verê cû ciwanêko bi nameyê Bariş Çakanî Anqara de ame kiştene. Sebebê kişîyayîşî se beno wa bibo tewirê vera nê hêrişî mojnenê ke hînî kurdî û rayaumûmîya demokratîje hêrişêkê vera şarê kurdî û kurdkî qebul nêkenê. Şarê kurdî nê hêrişanê nîjadperestan û cîyakerîye vînenê ke bi hawayêkê sîstematîkî yenê kerdene. Hêrişê vera kurdan û kurdkî motîvasyon û cesaretê xo nê polîtîkayan ra gênê. 

Ma nê hêrişê vera Bariş Çakanî ra zaf xemgin ê. Ma keyeyê Bariş Çakanî rê serweşîye wazenê.''

Dezgehê ke morê xo da binê eşkerayîye nê yê:

Platformê Şubeyan ê Amedî yê KESKî, Amîdart, Komeleya  Avesta, Kargehê Hunerî yê Aryen, MErkezê Kultur û Hunerî yê Biharî, Beksav, Platformê Chalak Events, Kargehê Hunerî yê Vengê Meymanî, Komeleya Kultur û Hunerî ya Dîcle, DÎSK, Enstîtuyê Kurdkî yê Îstanbulî,  Merkezê Kulturî yê Golge, Koma Bajar, Komeleya Berî Her Tiştî Zarok, Komeleya Ferat, Komeleya Mezopotamya, Komeleya  Edebîyakeran ê Kurdan, Ma Music, Hunermend Mîkaîl Aslan, Merkezê Kulturî yê Mezopotamya, Komeleya Akademîya Sînema ya Rojhelatê Mîyanênî, Komeleya Huqûqnasan a Seba Azadîye, nuştox Selîm Temo, Tîyatroyê Seyr-î Mesel, Tîyatroyê Şaristanî yê  Amedî, Şanoya Mencel, Tîyatroyê Tov, Tîyatroyê Şa Performans, Tîyatroyê Yekta Hêvî, Tîyatroyê Şermola Performans, Teatra Nûpelda, Teatra Jiyana Nû, Tîyatroyê Rituel, ÎKKyê TMMOBî yê Amedî, Torra Ziwan û Kulturê Kurdan, Weşanxaneyê Ar, Weşanxaneyê Aram, Weşanxaneyê Aryen, Weşanxaneyê Azad, Weşanxaneyê J&J, Weşanxaneyê Kurdistan, Weşanxaneyê M, Weşanxaneyê Sîtav, Weşanxaneyê Za.”