Hurmuz Dîrîlo 71 serre û cinîya ci Şîmonî Dîrîla 65 serre dewa Mehrî ya qezaya Elkê ya Şirnexî de 8ê çeleyê 2020î de hetê kesêk yan zî tay kesan ra ameybî remnayene. Cenazaya Şîmonî Dîrîl 70 rojan ra dima qeraxê Çemê Hêzilê de dîyabî la 500 rojî yo Hurmuz Dîrîlî ra xeberêke çin a.

Baroyê Şirnexî merdimanê keyeyê Dîrîlî reyde qisey kerd û eşkerayîyêka nuştekîye weşanaye.

Baroyî vat: ''Vînîbîyayîşê Hurmuz Dîrîlî ra 500 rojî derbaz bîyî la hema zî averşîyayîşêk çin o. Tehqîqatê Hurmuz û Şîmonî Dîrîlî de qet averşîyayîşêk çin o. Seba ke serebût bêro roşnîkerdene ma do tehqîqatî aver berê.''