Weşkerdişê nêzdîya 100 kesan dewam keno ke 16'ê Êlule de Dibistana Xoşkarî de ke bajarekê Xoşkarî yê pabesteyê Merkezê Çewlîgî de ciwaya ke mîyan de akerde amebi verdayene ra pê jehrî kewtî.

Çewlîg de 16'ê Êlule de 83'ê înan domanî 100 kesî ciwa ra pê jehrî kewtî û 7 domanî seba ke rewşê înan giran bî ameyî berdene bi Nêweşxaneyê Cigêrayîş û Perwerdeyî yê Firat ê Xarpêtî û Nêweşxaneyê Şaristanî yê Fethî Sekînî yê Xarpetî. 7 domanî beşê nêweşîya girane ra ameyî vetene û sewqê Nêweşxaneyê Nêweşîyan ê Cinîye û Domanî yê Çewlîgî bîyî. Ame zanayene ke rewşê 7 domananê ke weşkerdişê înan Çewlîgî de dewam keno baş a û goreyê netîceyê tehlîlanê ke do roja îne bêrê eşkerakerdene, nêweşxaneyî rê vejê. Hetê bînî ra ame zanayene ke weşkerdişê 5 mamostayan û domanan û pîlserreyan Nêweşxaneyê Şaristanî yê Fethî Sekînî yê Xarpêtî û Nêweşxaneyê Nêweşîye yê Cinîye û Domanî yê Çewlîg de dewam kenê.