Çalakîya grevê vêşanîye ya seba azadîya Rayberê Şarê Kurdî Abdullah Oacalanî 18ê kanûne de Dezgehê Keyeyanê Şehîdan ê Mexmûrî de rayberîya Meclîsê Îştarî de dabi destpêkerdene pê koma 59. roja 117. de dewam kena.

Koma 59. wexto ke çalakîye dewr girewte pare kerd ê hêvî kenê menga Remezanî do biba wesîleya azadîya Abdullah Ocalanî.

Nameyê kome ser o Firaz Bozanî qisey kerd û da zanayene gerîlayî û şar bi xurtî tewrê Hemleya Wextê Azadîye benê û xo ver danê. Bozanî vat: ''Gerîlayan Garê û Heftanîn de îşxalkerî tarûmar kerdî. Hetê bînî ra kurdî çalakîyanê 8ê Adare û Newroze herikîyayî meydanan. Zîndanan de zî tepişteyî pê ruhê Mazlûman xo ver danê. Ez venga pêro kurdan dana ke seba caardişê azadîya Rayber Apoyî bi hawayêkê topyekûnî vejîyê meydanan û polîtîkayanê îşxalkeran çin bikerê.''

Merasîmê dewrgirewtişî pê slogananê 'Bêserek cuye nêbena', 'Biciwîyo Serek Apo' qedîya.