Merkezê Çapemenî û Îrtîbatî yê HPG’yî bi eşkerayîyêka nuştekîye derheqê çalakîyanê gerîlayan û hêrişê dewleta Tirkî de zanayîş da.

Eşkerayîya HPG’yî wina ya:

''7’ê Tebaxe de herêma Ermûşî yê Xakurkê de mabênê hêzanê ma û îşxalkaran de pêkewtiş vejîya, tewr tay 9 leşkerî ameyî kiştene xeylî zî birîndar bîyî. 4 hemrayê ma yê ke bi qehremankî heta guleyê xo yê peyênî şer kerd, şehîd bîyî. Hayîdarîyê nasnameyê embazanê ma yê ke şehîd bîyî, dimayo ke hetê ma ra ameyî zelalkerdene, do rayapêroyîye dir bêrê parekerdene.

Çalakîya Sabotajî ya YJA Starî

Çarçeweya Hemleya Şorişgêre ya Şehîd Bager û Şehîd Ronya de  hêzanê ma xeyî çalakîyî viraştî, na çerçewe de: 6’ê Tebaxe de hêzanê ma qezaya Şemzînanî ya Colemêrgî de nêzdîyê Qereqolê Bêzelê de çalakîye viraşte.  Çalakîya ke makîneyê karî yê rayîrê asayîşî ameyî pirodayene de hûmara merde û birîndaran safî nêbîye. Dimayê çalakîye xebatê rayîrî ame vindanayene. Heman roje de hêzanê ma yê YJA Satarî mabenê qereqolanê Slort û Xapuşkê de vera kontrayan çalkîya sabotajî viraşte. Çalakîye de kontrayêk ame kiştene konrayêk zî birîndar bi. 7’ê Tebaxe de qezaya Çelê ya Colemêrgî de çalakîyêk ameye viraştene. Çalakîya suîqestî  ya ke Qilê Xereqolî de ameye viraştene de, leşkerêk ame kiştene.7’ê Tebaxe de qezaya Çelê ya Colemêrgî de çalakîyêk ameye viraştene. Çalakîya  ya ke Qilê Stûna de ameye viraştene de, hûmara merde û birîndaran nêameye tesbîtkerdene.

Gever de Pêkewtiş

6’ê Tebaxe de qezaya Geverî ya Colemêrgî de nêzdîyê dewanê Tilora ya Cêr û Corî de bi gerrekerdişê hemkaran mabênê embazêkê ma û dişmenî de pêkewtiş vejîya. Embazê ma Harûn bi şerkerdişêkê qehremankîyî tewrê kerwanê şehîdan bi. Artêşa Tirkî ya îşxalkare kesêko sivîl rê zî îşkence kerd û vat ke ey hêzanê ma rê hetkarîye kerdo, la eleqedarîya nê kesî bi hêzanê ma çîna. Gerîlayo ke şehîd bîyo nasnameyê ci wina yo:

Ma sere de keyeyê embazê ma Harûn, heme şarê ma yê welatperwerî rê serweşîyê wazenê û ma soz danê heta ma waştişanê şehîdanê xo bica bîyarê.

Mêrdîn de Çalakîya Sabotajî

Çarçeweya Hemleya Qesasî ya Şehîde Medya Mawa û Şehîd Rizgar Geverî ya ke Wareyê Pawitişî yê Medya de yena domnayene de 2’ê Tebaxe de  wareyê Navsera Bagokî yê Mêrdînî de  vera leşkeranê ke vejîyayê operasyon, çalakîya sabotajî ameye viraştene. Çalakîyê de 2 leşkerî ameyî kiştene û leşkerêk zî birîndar bi.

Gare û Çelê Hêrişê Hewayî

7’ê Tebaxe de teyareyanê şerî yê artêşa Tirkî Wareyê Pawitişî yê Medya ra herêma Gare de wareyê Gundê Guze ser o bombayî varnayî.  6’ê Tebaxe de zî Qilê Çarçelî ya qezaya Çelê ya Colemêrgî ame bombardûmankerdene. Nê hêrişan de vînîbîyayeyê ma çîn ê. Herême de şewat vejîya.''