Merkezê Îrtîbatî û Çapemenîye yê HPGyî da zanayene ke çalakîyê hêzanê înan ê selamkerdişê Hemlaya 15ê Tebaxe dewam kenê û derheqê hêrişê dewleta tirke û têkoşînê gêrîlayan de nê pare kerdî:

Hemleya Şorişgêre ya Bazanê Zagrosî – Zap

''8ê tebaxe de Warê Xoverdayîşî yê Şikefta Birîndara de îşxlakerî pê çekanê giranan ameyî pirodayene. Çalakîyede 2 îşxalkerî ameyî cezakerdene û mewzîyêke ameye îmhakerdene. Roja bîne eynî war de îşxlakerî reyna ameyî pirodayene. 9ê tebaxe de Warê Xoverdayîşî yê  Çemçoyî de îşxalerê ke hetê hêzanê ma ra pê çekanê ferdîyan ameyî pirodayene mecbûr mendê ke gamêke peyser biancîyê. Eynî roje panzerêko Kunişka ra ravêtêne Çemçoyî ame pirodayene. Netîceya çalakîye de panzer ame îmhakerdene 7 îşxalkerî ameyî cezakerdene, îşxalkerêk zî birîndar bi.

Hemleya Şorişgêre ya Şehîd Savaş Maraşî ya Cengê Xabûrî

9ê tebaxe de Warê Xoverdayîşî yê Girê Amedîyê de îşxalkeranê ke waşt mewzîyanê şerî yê Şehîd Pîrdoganî bidê bombayan ver bi taktîkê sûîkastî ameyî pirodayene. Na çalakîye de îşxalkerêk ame cezakerdene û îşxalkerêk birîndar bî.

Artêşa tirke ya îşxalere 1ê tebaxe de warê Bajêrganî yê qezaya Geverî ya Colemêrgî de operasyon dabi destpêkerdene. No operasyon 6ê tebaxe de destveng peyser ame  antene.

Bombarduman

Artêşa tirke ya îşxalkere 8 û 9ê tebaxe de zî tenelê şerî yê Warê Xoverdayîşî yê Girê FM, Werxelê û Şikefta Birîndara pê bombayanê nukleer taktîkî û çekanê kîmyewîyan dayî bombayan ver. Reyna 9 û 10ê tebaxe de Warê Xoverdayîşî yê Saca, Girê FMyî, Kurojahro, Girê Cûdî, Şikefta Birîndara, Çemço, warê Serê Metîna û warê Girê Şekîf û Gelîya Lolanî yê Xakurkê pê teyara, helîkopter û obusan dîyayî bombayan ver''