Çalakîyê vera derbeya qeyûmî yê hukmatê AKP-MHPyî dewam kenê. Şar vera faşîzmê hukmatî hêrsê xo ano ziwan û wayîrê hemşaredaranê xo vejîyeno.

Sêrt de Meclîsê Cinîyan ê HDPyî bi verê banê partî de eşkerayîyêke daye. Wekîlê partîye zî tede xeylêk cinîyî tewrê eşkerayîye bîyî. Eşkerayîye bale ameye antene dişmenîya dewlete yê vera kurdan ser û ame vatene ke bilasebeb hemşaredarê ma destbend kerdî û  şaredarîyê ma xesp kerdî. Cinîyan ard ziwan ke dinya vera Korona têkoşîn kena la hukmat çim verdayo destkewteyanê kurdan ke înan ra yew zî  sîstemê hemserekîye yo û vat  ê se kene wa bikerê  do kurdî û cinîyî bi têkoşînî wayîrê destkewteyanê xo bivejîyê.

Reyna Amed, Mêrdîn, Şirnex, Adana û Hatay  de zî bi çalakîyan binpaykerdişê îradeyê şarî ame şermezarkrdene û mesajê xurtkerdişê têkoşînî ameyî dayene.