Merkezê Îrtîbat û Çapemenî yê HPG’yî derheqê çalakîyanê gerîlayan û hêrişanê artêşa Tirkî ya îşxalkare de eşkerayîyêk daye û nê pare kerdî:

Heftanîn

''Heftanîn de vera operasyonê îşxalî 17’ê Êlule de çarçeweya Hemleya Şorişgêre ya Cengê Heftanînî ya ke yena domnayene de çalakîyêk ameye viraştene. Çalakîya ke mintiqaya Tepê Hêlizî de ameye viratene de  dozerêk ame îmhakerdene û leşkerêk ame kiştene. Dimayê çalakîye artêşa Tirkî mintiqaya Gelîyê Pisaxa bombardûman kerde. Çarçeweya hemleya de roja bîne zî Qile Şehîd Mervanî de çalakîyêk ameye viraştene û leşkerêk ame kiştene.

Xakurkê

Çarçeweya Hemleya Şorişgêre ya Şehîd Bager û Şehîdê Ronya de hêzanê ma 18’ê Êlule de Xakurkê de da îşxalkaran ro. Çalakîya ke Qilê Şekîfî de ameye viraştene de xeylî mewzîyê dişmenî ameyî îmhakerdene  3 leşkerî ameyî kiştene 2 zî birîndar bîyî. Dimayê çalakîye herême ameye bombardûmankerdene. 19’ê menge de zî Qilê Şehîd Botanî de çalakîya sabotajî de leşkerêk ame kiştene. Hêzênê ma yê YJA Starî 17’ê Êlule de qezaya Çelê ya Colemêrgî de nêzîdya Qilê Koordîne de da îşxalkaran ro. Çalakîyêka dozerêk ame derbkerdene hûmara merde û birîndaran nêameye tesbîtkerdene.

Şirnêx

Qezaya Êlkê ya Şirnexî de artêşa Tirkî ya îşxalkare 17’ê Êlule de herêma Kato Marînosî û Mezra Marînosî de operasyonêk da destpêkerdene û herême bombardûman kerde û roja bîne peyser ancîyaye. Operasyon de di embazê ma şehîd bîyî. Nasnameyê nê embazanê ma do pey ra berê eşkerakerdene.

Bedlîs

Artêşa Tirkî ya îşxalkare herêma Şêx Hadî ya Bedlîsî de 16’ê Êlule de operasyonêk da destpêkerdene. Roja bîne hêrişê hewayî ameyî kerdene û operasyon peyser ame antene. Operasyon de yew embazê ma şehîd bi. Hayîdarîyê nasnameyê embazê ma do rayapêroyîye dir bêrê parekerdene.

Zap-Avaşîn

Teyareyanê şerî yê artêşa Tirkî 17’ê Êlule de  Zap de mintiqaya Cilo Qijî û 18’ê menge de Avaşîn de mintiqaya Tepê Sorî bombardûman kerdî. Nê hêrişan de vînîbîyayeyê ma çîn ê.‘‘