Çarşuyê Ezrayî çarşuyê Qamişloyî yo qedîm o. Dûrî ra boya bihratanê çarşuyî yena. Bi awanîyanê xo yê kerpîçan, bi beranê xo yê texteyan hema zî çarşu otantîk o.

Roniştoxê herême çarşuyî ra hem biharatan hem zî dermananê xozayîyan hêrinenê. Dikananê çarşuyî de tay berhemî Şamî û Helebî ra yenê. Merdimî eşkenê boya biharatan teqîb bikerê û çarşuyî bivînê. Çarşu hertim qerebalix o. 

Dikandaranê çarşuyî ra Kerem Munîr Qawaso ke musewîyanê Nisêbînî ra yo, ma ra qala çarşuyê Ezra kerde. Kerem Munîr 56 serre yo û 50 serran verî keyeyê ci koçê Qamişloyî kerdo.

Goreyê vatişanê Qawasî Çarşuyê Ezra wina yo: ''Dikanê çarşuyî kerpîçî ra virazîyayê ke nameyê westeyê nînan Ezra yo. Ezra eslê xo de musewîyanê Mûsilî ra yo û 1920 de koçê Nisêbînî kerdo. Ezra wextêk Qamişlo de çerçitîye keno û 1923-24 de çarşu awan keno. O çax nameyê dikana Ezrayî beno nameyê çarşuyî. Dima Ezra koç keno şino. Wayîrê nê dikanan mûsewî yê.

Çarşuyê Ezrayî de verî ra nata ereb, armen, sûryanî û kurdî xebitîyenê. Şerî ra semed ma nêeşkenê sey verî berheman bivisnê destî. Şerî zaf tesîrê çarşuyî kerd.''