Bîn şewe kuçeyê Bextîyarî yê Silêmanî de Mehmet Zekî Çelebî verê berê cayê karê xo de, hetê di kesanê bi motosîkletî ra raştê hêrişê çekdarî ame. Çelebîyo ke wedarîya nêweşxane, ewro dinyaya xo bedilnaye.

Polîsê ke badê hêrişî ameyî cayê serebûtî destna kamerayanê derûdorî ser. Hêriş sey hêrişê terorî eseno la heta nika selahîyetdaran heme eşekrayîye nêdaya.

Mehmet Zekî Çelebî yo wayîrê Restorantê Denîzî bi, rîyê sebebanê sîyasîyan ra 12 serrî verî Vakurê Kurdîstanî ra bar kerdo şîyo Başûro Kurdîstanî.

No hêrişo verên ê vera sîvîlan nîyo ke dewleta tirke kena. 16ê êlula 2021î de reyna Silêmanî de Ferhad Bariş Kondu yo ke Vakurê Kurdîstanî ra ameyo tîya, raştê hêrişî ame û birîndar bi. Cade dima  ra 17ê êlula 2021î de Endamê Komîteya Keyeyanê Şehîdan ê PKKyî Yasin Bulut (Şukri Serhed) hetê MÎTî ra ame qetilkerdene.