Şîrketa ceyranî ya Dîcle (DEDAŞ) ceyranê 100 taxanê qezayanê Dêrik, Artûklu û Qoserî yê Mêrdînî birnaybî. Nika zî awa hemwelatîyan bi bahaneya ke faturaya awe nêdaya birîyaye. Taxa Kuçûka ya Artûkluyî de ke 23 rojî yo  ceyranê ci birîyaye yo, hemwelatîyî awa xo biro ke 1 km taxe ra dûrî yo, ra gênê. Hemwelatîyan îfade kerd ke prosesêkê winasênî de ke jan vila beno, birnayîşê awe û ceyranî zehmet dano înan. Hemwelatîyan da zanayene ke xeylêk heywanê înan têşanîye ra telef bîyî.

Hemwelatîye Zehra Kaya vat: ''Domanê ma binê germîye de perîşan bîyî. DEDAŞ vano deynê ma esto la deynê ma çin o. Na neheqîye nîya? Na rewşe çend do dewam bikera? Ma senî nê hewayê germî de do vinderê? Biz û kergê ma nêeşkenê daymîş bibê.''

Hasîna Kaya zî eşkera kerd ke 6 bizê ci têşanîye ra telef bîyî û vat: ''Deynê ma çin o. Eke wina dewam bikero hema zaf heywanî telef benê. Çew çin o vengê ma bieşnawo? Hînî ganî çîyêk bêro kerdene.Vanê vera Korona tedbîran bigêrê. Awe çin a ke ma destanê xo bişuwê. Ma senî tedbîran danê xo?''