Vizêr taxa Turgut Ozalî ya qezaya Kanîreşî ya Çewlîgî ra vengê guleyan ameyî eşnawitene. Polîsan baxçeyê sîteyê sanayî de meyîtê cinîyêka ciwane dî. Destê cinîye peyê ci ra pê layî ameybî girewtene. Serê cinîye de nasname çinbi. Cenazaya cinîye erşawîyaye Dezgehê Tipê Edlîyî yê Çewlîgî.

Dima ame zanayene ke cenaza yê Zeynepe Topal a ke 27 serre û dadîya 2 domanan a.  

Goreyê zanayîşanê ke ameyî girewtene mabênê Zeynepe û mêrdeyê ci Osman Topalî de problemî estbî. Zeynepe di mengî verê cû şîya Îstanbul û pê waştişê xo hetê Qereqolê Sultanbeylî ra keyeyêkê bextwaştişî yê cinîyan de ameya cakerdene. La Osman Topal hewteyêkî verê cû Zeynepe Îstanbulî ra bi zorî berde Kanîreş.

Dima ke cenazaya Zeynepe ameye dîyene mêrdeyê ci û di merdimê mêrdeyê ci ameyî destbendkerdene. 

Cenazaya Zeynepe muameleyê otopsî ra dima dewa Cevanî ya Kanîreşî de bo bêra definkerdene.