Çewlîg de rîyê parekerdişanê medyaya sosyale ra 10 kesê ke 12'ê Teşrîna Verêne de  ameybî destbendkerdene înan ra  sîyasetmedaro Kurd Nîyazî Azak û 2 kesê bînî ameyî tepiştene.

Çewlîg de 12’ê Teşrîna Verêne de seba ke medyaya sosyale derheqê herêşê îşalî yê vera Rojawanê Kurdistanî de parekerdişî kerdî, 10 kesî sereştişê keyeyan de ameybî destbendkerdene. Sîyasetmedaro Kurd Nîyazî Azak, şewirmendê Parlamenterê HDP’yî yê Riha Nusrettîn Maçînî, Serhat Atsiz, Mûhîtîn Sav û 7 kesê ke nameyê înan nêameyî  zanayene  bi îdîaya, ‘ propagandaya rêxistine‘ vejîyayî mehkema. Azak, Atsiz û Sav ameyî tepiştene û ameyî şawitene bi zîndan. 7 kesê bînî bi şertê kontrolê edlî serbest ameyî veradayene.