Goreyê zanayîşanê peyênan Çewlîg de heta ewro 3 kesî rîyê Korona ra merdî. Mergo peyên zî perey qewimîya.

Ame vatene ke kesa ke dinyaya xo bedilnaye cinîya û serrê ci 65î ra corê  û nêweşîya ci ya kronîke estbî. Reyna di kesê bînî ke cuwa ver dinyaya xo bedilnayebî nê zî extîyar bî û nêweşîyê înan ê bînî estbî.

Çewlîg de peynîya aşma adare de vîrusê Korona vejîya werte. Ge-ge hûmara nêweşan şire dîyare zî  nika têna nêweşêk mend û rewşa ci hol a. Serwîsê ciewnîyayîşê giranî de kesêk nêmend. 12 kesî zî sey şikdarê janî nêweşxane de binê karantîna de yê.

Hetê bînî ra bi ameyîşê aşma gulane koçberê ke rîyê Korona ra nêeşkeyêne cayê xo ra bileqîyê  înan zî verê xo da koyanê berzan û wareyanê germinan.