Selahîyetdarnê Tirkîya dabi zanayenê ke koçberî ganî heta 1ê gulane raywanîya xo bidê vindarnaye. Koçberê Çewlîgî hem heywanê xo çarnenê hem zî pawenê ke wext derbaz bibo.

Koçberê ke germbîyayîşê hewayî ra dima seba ke heywananê xo berê cayanê berzan dest pê raywanîye kenê, rîyê vîrusê Korona ra emser hema zî vindenê. Wezaretê Karanê Zereyî yê Tirkîya bire dabi ke heta 1ê gulane koçberî dest pê raywanîye mekerê. Koçerê Çewlîgî û koçerê ke dormeyê Çewlîgî ra ameyî pê çerênayîşê heywanan wextê xo derbaz kenê.

Koçerî vanê: ''Ma domanîya xo de dest pê koçerîye kerd. Wextê ma yê wareyan û germîyanan esto. Ma tay mengan kewenê rayîr. Ma şewe û roje koyan de yê. Aslê xo de ma qaşo destpêkê nîsane de dest pê raywanîye bikerdêne la semedê janî ra ma pabeyê wextê xo yê.''