Çewlîg de emser zimistan, zimistananê tewr zehmetan ê serranê peyênan ra yew o. Binê vewre ra banê şarî nêesenî û bisebebo ke şaredarîye zî karê xo raşt nêkena, şarî rê xizmet nêkana, seba hemwelatijan zehmetîya pîle esta .
Çewlîg de rîyê vewre ra hemwelatîjî nêeşkenî bananê xo ra vejî teberê. Banê binê vewre de vînî bîyî, rayîrî gerîyayî û rîyê cemedî ra qezayê trafîqî yenê meydan.
Qezaya Kanîreşî ya Çewlîgî ya ke vewra tewr zêdî yê bajarî varena, reyna binê tesîrê vewre de ya. Merkezê qeza de varayîşê vewre 4 metreyan ra ravêrt. Rîyê vewre û pûkî ra şar nêeşkeno bananê xo ra vejîyo teber.
Reyna rîyê varayîşê vewre û pûkî ra qezayanê Kanîreş, Azerpêrt û Çermê de mektebî ameyî qefilnayene. Rayîrê bi seyan dewam û mezrayan qefilyayeyê. Şaradarîya AKP'yî ya ke tim xo wasifenena vana ma semedê xizmetê şarê xo estî, reyna waxtê xizmetî de meydan de nêesena. Bi seyan rayîrî grewteyê û şar tengayîye de yo.
Hetê bînî ra rîyê cemedî ra qezayê trafîqî zî dewam kenê. Rayîrê Çewlîg û Xarpêt de qezayêka bine ameye meydan. Qeza de merde û birîndarî çîn ê.
