Çewlîg: Mêrikê vînîbîyayeyî ra 6 rojî yo xebere çin a
Çewlîg de roja şemeyî Hasan Goçuk (80) keyeyî ra vejîya û 6 rojî yo tira xeberêke nêna girewtene. Seba Hasan Goçukî xebatê cigêrayîşî dewam kenê.
Dewa Aşgasorî ya qezaya Dara Hênî ya Çewlîgî de 17ê nîsane de Hasan Goçuko 80 serre seba ke biewno heywananê xo keyeyî ra vejîya û heta wextê fitarî nêagêra keye. Dima ke keyeyê Guçukî xebere daye selahîyetdaran seba Hasan Goçukî xebatê cigêrayîşî dîyayî destpêkerdene.
La 6 rojî yo mêrikê kokimî ra xeberêke nêameye girewtene. Roja 6. de ekîpê pîlêrî tewrê xebatanê cigêrayîşî bîyî. Ekîpê bi 300 kesan her cayê şaristanî de gêrenê Hasan Goçukî.
