Tepişteyo bi nameyê Mehmet Selîm Bûgrahanî yo ke rixmo ke  87 serre yo û nêweş o 45 rojî cuwa ver bi îddîya ‘paştdayîşê rêxistine‘ Zîndanê Mereşî yê Tîp L’yî de amebi cakerdene, zîndan de cuya xo vînî kerde.

Mehmet Selîm Bûgrahan o ke dewa Çîrîsî ya Çewlîgî ra yo babîyê 5 qican o. Cinîya ey nêweşa û dest û payan ra kewta. Lajêkê ey şehîdê PKK’yî yo û di lajê ey zî verê zext û hêrişê dewlete ra şîyê Ewropa. Di qicanê  ci yê bînan ra yewe astengdar o û yo  zî Zîndanê Çewlîgî yê Tîpê M’yî de yeno tepiştene. Bûgrahan serra 2014 de  7 mengî zîndan de mendiş ra dima bi şertê serbest muhakemekerdişî amebi veradayene.