Şerwana YPJyî Çîçeke Kobanê (Dozgine Temo) wextê îşxalê Serê Kanîyê û Girê Sipî de hetê cerganê dewleta tirke ra amebî destbendkerdene û mehkemeya Riha cezaya muebede daye ci. Çîçeke Kobanê Zîndanê Riha de tepişîyena.

Dadîya Çîçeke da zanayene ke Çîçeke rê cezaya dîsîplînî dîyaye û heqê ci yê telefonî yeno astengkerdene.

Dadî Wehîde Osman ANHA rê qisey kerd û pare kerd ke derheqê cezaya dîsîplînî de ê nêeşkayî agahîyêke bigêrê. Dayîke Wehîde venga dezgehanê mîyanneteweyîyan da û waşt ke nê kerdişê keyfî qa biqede.