Berîvanê ke qezaya Çelê ra ameyê taxa Aşûtî û pes û bizinê xo antî, cuyêka komunale dewam kenê. Her roje saete 10.00 de yenê têhet û vernê de bi xidayê ke keye ra anê, arayî kenê. Dima ra heta tarîyê şewe karê xo dewam kenê.

Cinîya bi nameyê Zelîha Ebîşe îfade kerd ke dima ke ê pesê xo ancenê, bi şitê înan mast û penîr virazenê û vat: “Pesdewarî sey verê nîya. Yewin debara xo ma bi pesdewarî kenê. La nika her keyeyêk de tewr zêde 10 heywanê înan estê. Verê her keye tewr tay wayîrê 50 pesî bi.”

Zelîha ard ziwan ke pêwa yewin çimeyê înan pesdewarî ya labelê hetê ekonomî ra zehmetîye ancenê û wina vat: ”Her roja bêrîvanîya ma seba ma sey seyranî derbaz bena. Ma tîya de bi sohbet û yarîyan heta şan manenê. Cuya ma wina derbaz bena. Qezencêkê ma yo bîn çin o. Ma bi pereyê şît û mast debarê xo kenê. Asayîşê ma yê karî çin o. Ma bi zor debarê xo kenê.”

Melîha Ebîşe zî vat: “Tena ma roj, ko û çeman vînenê. Ma şinê keye zî karê keyeyî kenê. Cuya ma zehmet a la ma tira hes kenê.”