Êlih de bi hezaran kesan adirê Newroze vist ta
Êlih de bi hezaran kesan bi sloganê ''Bijî Serok Apo'' adirê Newroze yo verên vist ta. Bayindirî tîya de xîtabê şarî kerd û vat: ''Ma do Newroza 2024î seba azadîya Abdullah Ocalanî fîraz bikerê.''
NEWROZA ÊLIHÎ
Êlih de bi beşdarîya Hemserekanê DBPyî Çîgdeme Kiliçgun Uçar û Keskîn Bayindirî adirê Newroze yo verên ame tavistene.
Bi hezaran kesan taxa Korikî de bi sloganan sey “Bijî Serok Apo”, “Bê Serok jiyan nabe”, “Jin jiyan azadî” rayraşîyayîş kerd û dima pîya bi coşî merşê ''Çerxa Şoreşê'' vat. Dima meydanê taxe de girseyî bi sloganê ''Bijî Serok Apo'' adirê Newroze yo verên vist ta.
Hemserekê DBPyî Keskîn Bayindirî tîya de qisey kerd û da zanayene ke 15ê adare de ê do Depe de adirê Newroze bivisnê ta. Bayindirî vat: ''Ma do Newroza 2024î seba azadîya Abdullah Ocalanî fîraz bikerê. Newroze roja kurdan a, roja azadîya kurdan û serkewtişê kurdan a. Ma do bi nê adirî Êlih de ser bikewê. No adiro ke seba estbîyayîşê xo kurdan visto ta 50 serrî yo hewna nêşi. Emser zî ma pîya bi coşî Newroze fîraz bikerê.''
