Îdareyê Xoserî yê Şingalî derheqê hêrişanê serê Şingalî de eşkerayîya nuştekîye daye û nê pare kerdî:

''Seke yeno zanayene Şingal de reyna rewşa îstîsnayîye yena qewimîyena. Çimê her kesî Şingalî ser o. Têmîyankewtiş 18ê nîsane de dest pêkerd û heta na roja dewam keno.  La ganî bingeyê problamenê Şingalî hole bêro famkerdene. Yeno waştene ke reyna fermanî bêrê kerdene. Komelê êzîdîyan 2014 de verê çimanê heme dinya raştê fermanî ame. Artêşa Iraqî peyê xo kerd fermanî û Şingalî ra vejîya û PDK bi îxanetê pîlî bi hemkarê nê fermanî. Dewleta tirke zî waşt bi destê çeteyanê DAÎŞî qoqê ma wuşk bikero.  Ma sey şarê êzidî xeyrê gerîlayanê azadîye û şorişê Rojawanî fermanî ra xelisîyayî. Seba ke şarê ma reyna raştê fermanan mero ma sîstemê îdareyê xoserî înşa kerd.

Heme dezgehê îdareyê xoserî o wextê giranî de bi bedelanê pîlan ameyî ronayene.YBŞ, YJŞ û Asayîşê Ezidxanî sey fedayîyanê bawerîya êzidîyan wezîfeyê xo girewtî xoser û heta nika semedê şarê xo xeylêk şehîdî dayî. Ma adirî ra 8 serrî xo dima verdayî. Nê wexdî de ma kerametê Iraqî zî pawit. Pîya bi pawitişê Şingalî ma yewîya Iraqî zî pawite. Nê demî de ma zaf seba ke statuyê Şingalî zelal bo ma zaf projeyî afernayî û pêvînayîşî kerdî. Ma yewîya Iraqî esas girewte û bi qanûnanê Dewleta  Federale ya Iraqî ma waşt probleman çareser bikerê. La înan pê planê leymina yê 9ê Teşrîna Verêne cewabê nê cehdkerdişanê ma da. Hukmatê Kazimî pîya bi hemkarîya PDK û zextanê dewleta tirke ya îşxalkere û pê tay hêzanê mîyannetewîyan mor dîya nê pêkerdişî ro. Ma reya verêna no sey fermanê fermî hesibna.

Sebebê heme problemanê Şingalî no pêkerdiş o. Dewleta tirke zî seba ke nê pêkerdişî ra hêz gena hêrişê şarê ma kena. PDK zî rîyê nê pêkerdişî ra xayalê peyser agêrayîşê Şingalî keno. Hukmatê Kazimî seba ke nê pêkerdişî bido ciwîyayene pê artêşa Iraqî hêrişê Şingalî keno. Dormeyê ma pê tel û dêsan genê ke ma heps bikerê. Nê hêrişî pêro pabesteyê yewbînan ê.

18ê nîsane de Dîgur de dormeyê asayîşê Ezidxane ame girewtene. Hêrşanê peyênan rojanê ma yê bimbarekan de dest pêkerd. Hukmatê Iraqî wazeno ke ma asayîşî caverdê. Xora yeno zanayene ke no madeyanê Pêkerdişê 9ê Teşrîna Verêne ra yew o. Seba ke pêkewtişî vila mebê ma sey Îdareyê Xoserî ma zaf têbêrayê. Ma zaf rey veng da Iraq û rayapêroyîye. La înan îradeyê ma rê hurmet nêkerd. Wa şarê ma nê hole bizano vera Şingalî sîyasetê şerî yeno rayraberdene. Tewr peynî de 2ê gulane de artêşa Iraqî pê tanq û topan vera Sinun û Digurî hêriş ame kerdene. Eynî wextî de PDKzî dest pê metodanê şerê taybetî kerd.  

Ma tîya ra veng danê heme hêzanê Iraqî wa kayanê PDK û dewleta tirke ya mexapîyê. Hedefê dewleta tirke têna Şingal o. Ma wazenê problemanê xo mîyanê Iraqî de çareser bikerê. Waştişê ma oyo ke wa Îdareyê Xoserî yê Şingalî û yewîyanê xopawitişî rê hurmet bêro kerdene. Asayîşê Ezidxan û YBŞ û YJŞyî anorê komelê êzidî yo. Ganî çew dest û zanê xo yewîyanê pawitişî rê derg mekero. Ganî komelê êzidî bizano ke nika her wextî ra zafê hewceyê yewîye esto. Wa şarê ma vera sîyasetê PDKyî hîşyar bo û dormeyê Şingal û bawerîya xo dir bêro têhet. Ma do pê yewîya xo cewabê hêrişan bidê. Wa hêzê mîyanneteweyî Pêkerdişê 9ê Teşrîna Verêne ra peyser game bierzo. No pêkerdiş yeno manaya fermanê vera şarê êzidîyan. Ganî hinî qirkerdişê vera êzidîyan nêro qebulkerdene û verê hêrişan û qirkerdişan bêro girewtene.''