Îdareyê Xoserî yê Herêma Efrînî Şehba de bi eşkerayîyêke gefê dewleta tirke ya îşxalkere û bêvengîya hêzanê mîyanneteweyîyan şermezar kerdî.

Endamanê Îdareyê Xoserî Bêrîvane Xelîl û Subhî Ehmed eşkerayîye wende. Eşkerayîye de ame vatene ke dewleta tirke amadekarîya kena ke reyna hêrişê Rojawanî bikera. Eşkerayîye de ame vîrvistene ke dewleta tirke heta nika Efrîn de bi des hezaran cergî ca kerdî û demografî vurnaye.

Eşkerayîye de wina ame vatene: ''Dewleta tirke vera Rojawanî gefê operasyonê îşxalî yê neweyî wena û şarê ma rê sîyasetê koçkerdişî ferz kena. La seba çinkerdişê pêro plananê dewleta tirke, seba destvistişê heqanê xo û xelisnayîşê erdê Sûrîye ma dormeyê Îdareyê Xoserî de kom bîyê.

Ma bêvengîya hêzanê garantoran ê vera hêrişanê Tirkîya şermezar kenê. Ma soz danê şehîdanê xo û şarê xo yê xoverdayoxî ke vera nê gefan xo ver bidê û erdê xo îşxalê tirkan ra bixelisnê.''