Merkezê Çapemenî û Îrtîbatî yê HPGyî da zanayene ke gerîlayanê HPG û YJA Starî Îdir de hemverê artêşa Tirkî de çalakîyêk viraşte, leşkerêk ame kiştene.

Eşkerayîye de ca dîya nînan:

''Yewîyê nimiteyî yê artêşa Tirkî ya îşxalkare wextêk o herêma Kire Korî ya Îdirî de dame nanê ro.  Hêzanê ma yewîyêk girewtê binê kontrolî û hemverê ci de çarçiweya Hamleya Serkewtişî ya Şorişgêrî ya ke  Eyaletê Serhadî de yena domnayene, çalakîyêk viraşte. Çalakîya ke 20ê Çile de ameye viraştene de yewîya dişmenî ke bitesîrî ameye pirodayene de leşkerêk ame kiştene. Çalakî ra dima artêşa Tirkî cayê çalakîye bombardûman kerd.

22ê Çile de teyareyanê  artêşa Tirkî ya îşxalkare hêrişê Wareyê Pawitişî Medya ra Avaşînî  kerd. Herêma Werxelê û Qilê Kartalî ameyî bombarankerdene. Bombardûmanan de vîndîbîyayeyê ma çîn ê.''