Tek raştîya ke birîna tarîxê Kurdîstanî do bipêşa na ya ke hîkayeya cuya şerwanan dana vatene. Hewt şerwananê PKKyî vat ''Şima nêeşkenê ma bikişê'' û ver bi roşnîye şîyî. Şerwanê ke tunelanê tarîyan de bîyî roşnî. Nika xoverdayîşê şerwanan do bibo tilîlî û veng bido.

Nê şerwanan tunelêko ke di kesî nêşinê ci kerd warê şerî û keleya xoverdayîşî. Gerîla Serhad, Sarya, Rûkene, Canfeda, Kamûran, Xebat û Zafer tunelêk kerd çeperê şerî. Înan sond werd ke Kurdîstan heta peynî bipawê, heta azadîye şer bikerê. Neferê artêşêka serkewte: xoverdayoxê Mamreşoyî.

Artêşa tirke ya tecawuzkere 23ê nîsane de Metîna, Avaşîn û Zap de dest pê operasyonêkê îşxalî kerd û bi giranî hêrişê koyanê Zagrosan ê Avaşînî kerd. Dişmenî xîret kerd ke xeta Zap û Avaşînî yewbînan ra biqerifnê, Metîna û Avaşînî zî cîya bikerê. Dimenî Mamreşoyê Avaşînî de pêro teknîkê xo şuxilna û semedo ke bênetîce mend gazê kîmyewî zî şuxilnayî.

Mamreşo û lajê ci Aris û Faris serra 1994-95î de hetê cerganê artêşa tirke ra ameybî tepiştene û semedo ke cayê gerîlayan vajê înan rê îşkence amebi kerdene. Dima ke ê şehîd bîyî nameyê înan dîya ê warî. Gerîlayî wayîrê nê keyeyê xoverdayoxî vejîyenê.

Artêşa tirke ya îşxalkere rixmê teknîkê xo 11 rojî nêeşkaye warê Mamreşoyî de bikewa çeperanê gerîlayan. Gerîla Serhat û embazanê ci têna çeperî nê xeylêk cayî pawitî û zaf îşxalkerî ceza kerdî. Fermandaranê înan ci rê vat 'xo apey bigêrê' la înan goş nêda nê vengdayîşî.  Gerîlayî ewnîyayî rîyê yewbînan ra û înan rîyê yewbînan de vîrameyîşê nê warî dî. Xeylêk reyî ame vîrê înan ke ê şerwan ê: ''Şima nêeşkenê ma bikişê, eke wextê ci ameyo ma do bimirê.''

Pê îlhamê Apogîrî nê şerwanan xo ver da.