Îran de îdarekarê Enstîtuyê Kurdî yê Roznewbarî tepişîyayî
Rejîmê Îranî ronayoxê Enstîtuyê Kurdî yê Roznewbarî Cyrus Abbasî û birayê ci Azad Abbasî tepiştî.
Rejîmê Îranî lîsanê Enstîtuyê Zanistî yê Kurdîstanî yê Roznewbarî yo ke Worveh û Dehgolan de perwerdeyê bi kurdkî dayêne, 3yê êlule de qefilnabi.
Rejîmî vizêr zî seba ke îfadeyê înan bigêro venga ronayoxê Rojnewbarî Cyrus Abbasî û birayê ci Azad Abbasî dabi. Îfadeyan ra dima rejîm wird birayî tepiştî û şawitî zîndanî.
Cyrus Abbasî û birayê ci Azad Abbasî par zî seba ke tewrê protestoyanê qetilkerdişê Jîna Emînî bîyê 3 mengan tepişîyabî.
