Leşkerê îşxalkerî yê tirkê ke Girê Zendûra yê Metîna de xîret kerd ke debikewê tunelanê şerî netîceyê xoverdayîşê gerîlayan de neçare mendî ke hacetanê xo yê leşkerîyan war verdê û biremê.
Fermandarîya Cengê Xabûrî da zanayene ke ewro saete 13.00 de tunelê şerî yê Girê Zendûra dîyayî bombayan ver û dima zî leşkeranê îşxalkeran xîret kerd ke bikewê tunelan.
Fermandarîye pare kerd ke zereyê tunelan de mabênê gerîlayan û îşxalkeran de pêkewtişê giranî ameyî kerdene û îşxalkerê ke vînîkerdişê pîlî dayî neçare mendî ke xo apey biancê.
Fermandarîye eşkera kerd ke îşxalkeran peyê xo de xeylêk malzemeyê leşkerî verdayî û remayî.
Goreyê agahîyanê fermandarîye herême nika binê bombardumanan ê giranan de ya.
