Dîmenê bînî weşanîyayî ke tede aseno ke leşkerê tirkî yê îşxalkerî waranê gerîlayan de teng mendê. Leşkerê tirkî yê ke nêzdîyo mengêk o warê 'Kevirê Kunî' yê Şikefta Birîndaran de teng bîyê, nêeftarenê sereyê xo vejê teber.

Herême şewe û roje dîyena bombaya ver û hêzê îşxalkerî kenê pê skorskyan leşkeranê xo herême de ca bikerê. Nê pêro seba çîyêkî yenê kerdene: Leşkerê ke teng bîyê herême ra bêrê vetene, birîndarî bêrê berdene û hetkarîya lojîstîke bêra dayene.

La gerîlayî nêverdenê.

Dîmenan ra zî fam beno ke îşxalkerî seba ke xo gerîlayan ra binimnê, binê texteyêkî de yê. Îşxalkerî malzemeyanê lojîstîkanê ke pê helîkopteran erşawîyenê, nêeşkenê pê asanî bigêrê. Coka kindiran erzenê ke erzaqî biancê.

Îşxalkerê ke bi 100 metreyan nêzdîyê gerîlayn ê, tersî ra nêeşkenê sereyê xo vejê teber, binê xeyman de xo nimnenê.