Îtîrazê tepiştişan ê Pasûrî ame redkerdene

Îtîrazê tepiştiş ê hemşaredaran ê Pasûrî Fatîh Taş û Fatma Aye ame redkerdene.

Hemşaredarê Pasûrî Mehmet Fatîh Taş û Fatma Aye, Mudirê Karan ê Fenî Şener Aktaş, Hemserekê HDP'yî yê Pasûrî Abîdîn Karaman û Mehmet Ayî ameybî tepiştene. îtîrazê tepiştişanê înan ame redkerdene.

Avûkatan eşkerayîya xo de pare kerd ke îddîayê serê mûwekîlan ê înan bîlasebeb ê û delîlêk çin o. Avûkatan îfade kerd ke înan îsbat kerd ke yew eleqeyê muwekîlan ê înan bi teqayîşê Pasûrî çin o la muwekîlê înan ameyî tepiştene. Avûkatan vat: "Delîlêk, dîmenêk, şahîdêk û taqîbê teknîkî çin o. Kifş o ke na dosyaye de delîlêk çin o."

Avûkatan îtîrazê xo pêşkêşê Mahkemeya Ceza ya Pasûrî rê kerd û no îtîraz erşawitibi Mahkemeya Ceza ya Girane ya Amedî ya 5'ine. Mahkemeya Ceza ya Sulhî no îtîraz red kerd.