8ê tebaxa 1938î de 100 dewijî  Qulika Zînî de ameyî qetilkerdene. Qirkerdişî ra dima kurdê ke weş mendê zî sey Edîrne û Balikesîrî şaristananê cîya-cîyayan ê tirkan rê ameyî surgunkerdene û înan rê ame qedexekerdene ke 10 serran anêgêrê dewanê xo.

Şahîdanê Qirkerdişê Qulika Zînî Yadîgare Gokdemîr PÎRHA rê qisey kerd û îfade kerd ke înan wextê qirkerdişî de zaf dej anto. Yadîgare Gokdemîr da

zanayene ke leşkeran dewa Subahanî ya Erzînganî ya ke ewnîyayêne Munzurî ra û dewanê dormeyê ci ra nizdê 100 dewijî kom kerdî û berdê axûre. Dayîke Yadîgare vat: '' Leşkeran bi saetan ê vêşan, têşan verdayî û berdê Qulika Zînî de dayî gurelyan ver. Cenazayî nêameyî definkerdene. Qet mezelê înan nêbîyî; serê koyî de wina verdayî ke wa teyr-tûr înan biwero. Xeylêk wat Qulika Zînî sey warê qedexeyî ame îlankerdene û destûr nêdîya çew o heta şiro.

Qirkerdişî ra dima ma 15 rojî  Pirdê Erzînganî de mendî. Dima ma surgunê qezaya Îlîçî ameyî kerdene. Ma mengêke zî Îlîç de mendî. Dima leşkeran pê trenan ma surgunê Balikesîrî kerdî. Kesê bînî zî surgunê şaristanêkê cîyayî kerdî. Înan ma surgunê dewêka çerkesan Susurlukî kerdî. Ez û dadîya mi zî tede ma 9 kesî bîyî. O çax ma zaf zehmetî dîye, zaf ant. Ma vêşan û têşan mendî.''