Polîsanê tirkan vizêr eştbî bînaya DEM Partî ya Êlihî ser. Polîsan dest na ajandayanê cinîyan ser, fotografê Îpeke Erd, Denîz Poyraz û cinîyanê ke ameybî qetilkerdene, eştî war. Şarê Êlihî bi eşkerayîyêke sereştiş protesto kerd. 

Eşkerayîye de sloganê sey ''Vera faşîzmî mil bi milî'', ''Ma do bi xoverdayîşî ser bikewê'' ameyî vatene.

Hemserekê DEM Partî yê Êlihî Mustafa Mesut Tekîkî ard ziwan ke îqtîdarê AKP-MHPyî polîtîkayanê şerî de israr keno û vat: ''Ez venga selahîyetdaranê dewlete dana ke şima nêeşkenê ma rayîrê ma ra bikerê. Polîsan sereştiş de fotografê embazanê ma yê ke ameybî qetilkerdene eştî war. Ê wazenê ke ma terorîze bikerê. La do ser nêkewê. Seke hunermend Yilmaz Guneyî vatbi; ma do qetî ser bikewê.''

Wekîla DEM Partî ya Sêrtî Sebahate Erdogan Saritaş vera bêhuqûqîya polîsan nêrazîbîyayîşê xo mojna. Sebahate îfade kerd ke îqtîdar netîceyanê weçînayîşan hema zî qebul nêkeno û vat: ''Şarî 31ê adare de krîz û kaosî rê vat ney. Îqtîdar hinî do tim bin bikewo. Têkoşînê şarî yo rêxistinkerde do ser bikewo.''