Şingal de bado ke bi tewrbîyayîşê bi hezaran kesan rayraşîyayîş ame kerdene heyetêk selahîyetdaranê leşkerî yê Iraqî reyde pêvînayîş kerd.

Heyeto ke Meclîsê Xoserîya Demokratîke yê Şingalî, Partîya Azadî û Demokrasî ya Êzidîyan (PADÊ), Têgêrayîşê Azadîye yê Cinîyanê Êzidîyan (TAJÊ) û rîsipîyan tede ca girewt  waştişê şarê Şingalî reyne ardî ziwan.

Pêvînayîş Merkezê Leşkerî yê Artêşa Iraqî ke Şingal de yo de ame kerdene. Goreyê xebara RojNewsî heyetê Şingalî reyna bale ante îradeyê Şingalî ser û vat ê wazenê xo bi xo îdare bikerê. Heyetî reyna waştişê xo yê cayî ra îdarekerdişî nuştekî teqdîmê hetê Iraqî kerd. Selahîyetdaranê leşkerî zî vat ê do nê waştişan biresnê Baxdadî.