Vera hêrişê artêşa Iraqî yê serê Asayîşê Êzidxanî û YBŞ-YJŞyî xoverdayîşê şarê Şingalî dewam keno. Şingalijan derheqê babete de ANFyî rê qisey kerd. Medyaya PDKyî pê xeberanê zûran propaganda kena. 

Cinîyanê Şingalî seba paştdayîşê werdeyî yê seba endamanê Asayîşê Êzidxanî amadekarîye kerde. Cinîyan ard ziwan ke ê do nê kay û hêrişanê serê Êzidxanî çin bikerê.

Endamê Asayîşê Êzidxanî Heyder Şengalîyî îfade kerd ke vera hêrişan  ê do heta çilka peyêne ya gonîya xo, xo ver bidê û vat: ''Şingal de nika rewşe hol a labelê seba xerakerdişê aramîya Şingalî wazenê kayanê gemarinan ê Peymana 9ê Teşrîna Verêne bikerê dewre. Şarê ma agêra erdê xo.''

Endama Têgêrayîşê Azadîya Cinîyan ê Êzidîyan (TAJÊ) Şemê Miço zî ard ziwan ke cinîyê Şingalî seba pîlkerdişê xoverdayîşî destê înan ra çi bêro do bikerê. Şemê vat: ''Ma ameyî hetkarîya domananê xo. Seba aramîya Şingalî ma do mîyanê pêro şertan de zî têkoşîn bikerê.''

Endama TAJÊ Caklîne Hisên vat: 'Êyê ke Peymana 9ê Teşrîna Verêne îmza kerdbî, seba ke domananê ma bomba bikerê wazenê Şingalî veng bikerê. Ma zaf fermanî dîyê, herinda ke fermanêkê neweyî kenê, wa birînanê şarî weşş bikerê. Se kenê wa bikerê, do nêeşkê pawitişê Êzidxanî werte ra wedarnê. Eqsê ci ma do seba xurtkerdişê pawitişê xo têkoşîn bikerê. Çunke ma hol zanenê ke ma ra ber çew ma nêpaweno.''