Şirnex de çawişêkê pisporî yê tirkî xîret kerd ke domanêka 13 serre tacîz bikero û hetê şarî ra ame tepiştene. Dima ke serebût ame eşnawitene hemwelatîyanê Şirnexî dest pê çalakîyan kerd. Polîsan pê gazê îsotî hêrişê girseyî kerd.
Merkezê Şirnexî de çawişêkê pisporî yê tirkî perery şan sîteyêk de xîret kerd ke domanêka 13 serre tacîz bikero. Roniştoxanê herême yê ke qirîyayîşê domane eşnawitî çawiş tepişt.
Serebût Şirnex de rastê nêrazîbîyayîşanê pîlan ame. Wekîla HDPyî ya Şirnexî Nurane Îmîr twitter de vat: ''Ma do ameyoxê xo tacîzkeran ra nêverdê. Ma qet îstîsmar qebul nêkenê.''
Huseyînê Kaçmaê HDPyîjî vat: ''Wexto ke domanî kewenê ra ganî merdimî vengê xo mevejê, wexto ke vera ci hêriş bibo nê. Ma do vera ci vengê xo berz bikerê.''
Dima ke serebût ame eşnawitene hemwelatîyanê Şirnexî dest pê çalakîyan kerd. Polîsan pê gazê îsotî hêrişê girseyî kerd. Qezayanê Şirnexî de û medyaya komelkîye de zî nêrazîbîyayîşan temamîya roje de dewam kerd. Xeylêk ciwanan merkezê şaristanî de verê bînaya serebûtî de pê sloganê ''Bêveng mebe, eke bêveng bibe dore yena to zî.'' îstîsmarê domane protetso kerd.
Ciwanan waşt taxa Gazîpaşa ra ver bi Yenî Çari şorê la polîsan pê gazê îsotî hêrişê ciwanan kerd.
Merkezê şaristanî de bi desan wesayîtê zirxînî û polîsê çewîkî estê.
Çawişê pisporî A.A. îfade ra dima ame tepiştene.
