Torra Ziwan û Kulturê Kudkî seba ke kurdkî bibo ziwano fermî û ziwanê perwerdeyî mîtîngî organîze kerdbî. Mîtîngê fînalî ewro ganî Amed de biameyêne kerdene  la walîtîye destûr nêda.

Torra Ziwan û Kulturê Kudkî û pabesteyê ci nayî ser o qezaya Yenîşehîrî de ameyî têhet ke eşkerayîye bidê û rayra şirê. Polîsan bi wesayîtanê zirxiranan dormeyê semtê Ofîsî û rayîrê ke vejîyenê Meydanê Îstasyonî qefilnayî.

Şaro ke dekewtişê Kuçeyê Sanatî de ame têhet, hetê polîsan ra gerîya binê ablûqa. Hemwelatîyanê ke waşt tewrê grûba Kuçeyê Sanatî bibê raştê hêrişê polîsan ameyî. Tay hemwelatîyî ameyî derbkerdene. Çalakwanan bi tîlîlî û sloganan cewabê hêrişê polîsan da. Çalakwanan deyîra Zimanê Kurdî vat û bi slogananê ''Bê ziwan cuye nêbena'' (Bê ziman jîyan nabê)  û ''Xoverdayîş ciwîyayîş o'' qîrayî.