Başûrê Kurdîstanî de bi seyan kesan vera hêrişanê îşxalî yê dewleta tirke rayraşîyayîşê 'Mertalê Gandarî' da destpêkerdene. Rayraşîyayîş çarçewa hemleya seferberîye de rayberîya Ciwananê Welatperweran ê Kurdîstanî û Cinîyan ê Ciwanan ê Têkoşeran de yeno kerdene.

Pêro herêmanê Başûrî ra girseyêkê pîlî saete 11.00 de Koyî ra ver bi Behdînanî dest pê rayraşîyayîşî kerd.

Rayraşîyayîş de posterê Rayberê Şarê Kurdî Abdullah Ocalanî û fotografê gerîlayanê ke Hemleyanê Cengê Xabûrî û Bazanê Zagrosî de şehîd bibî ameyî akerdene.

Girseyî pê slogananê 'Şore teber, şore teber, artêşa tirke şore teber', 'Biciwîyo xoverdayîşê gerîlayan', 'Bimiro îxanet', 'Dîktator Erdogan' û tilîlîyan rayraşîyayîşî rê dewam keno.