Roniştoxê Binarê Qendîlî verba hêrişanê îşxalkaran ê dewleta Tirkî yê serê Vakur û Rojakewtena Sûrîye nawnayîş û rayraşîyayîşêk viraşt.

Nawnayîş de  sloganê " Wa Biciwîyo Xoverdayîşê Rojawanî,  Wa Biciwîyo Yewîya Kurdan, Şehîd Nêmirenê" ameyî vatene. Nawnayîş de roniştoxanê Binarê Qendîlî tewir û hêrsê xo yê verba îşxalkaran pê vatişanê xo pare kerd. Qiseykerdoxan îfade kerd ke ê paşt danê Rojawanî û ganî her kes verba nê îşxalan bibê wayîrê tewirî û bi ruhê seferberîye her kes seba xoverdayîşê Rojawanî wezîfeyê xo bîyaro ca. Rayraşîyayîş bi wendişê şîîra serê Rojawanîya ke hetê hemwelatijê bi nameyê Marufî ra ameye nuştene, qedîya.