Şarê Kobanê yê Kantonê Firatî seba pawitişê Awbendê Tişrînî çar rojan ra nata nobeta xoverdayîşî de yo. Konvoyê ke şinê nobete hetê dewleta tirke ra yenê hedefkerdene. Heta nika nê hêrişan de 4 kesî şehîd bîyî û 11 kesî birîndar bîyî.

Çar rojan ra dima şarê Kobanê nobete dewrê Kantonê Cizîre kerde û agêra Kobanê. Şarê Kobanê çalakîkerê Tişrînî bi flamayanê QSDyî û bi coşî pêşwazî kerdî.

Pêşwazîkerdiş de îdarekaranê Înîsîyatîfê Azadîya Seba Abdullah Ocalanî ra Eyşe Efendî qisey kerd û vat: ''Ma do rixmê hêrişan zî awbendî bipawê. Senî ma hêrişê DAÎŞî şiknayî do hêrişê dewleta tirke ya îşxalkere zî bişiknê.''