Rejîmê Îranî krîzanê pîlan reyde têrî yê. La rejîm herinda ke meseleyanê xo çareser bikero hêrişê komelî keno. A.E.yo ke Mêrîwanî ra yo û asayîşî ra semed nameyê xo nêda derheqê reşwa komelî de wina vat: ''Dewlete domananê ke dadî û babîyê înan çin ê pê bahaneya sûcî tepişena, 15 rojan perwerde kena û seba ke kaosê komelî kundoxî, kiştişî bizêdîyê nê domanan perwerde kena. Dewlete hetê ekonomî ra krîz de ya. Seba ke krîz mîyan bikera komel de kaos virazena.''

A.E. wina dewam kerd: ''Çend wextî verî kesêkê bi motorîklete Mêrîwan de 2 birayî kard kerdî. Nê birayî dewa Kîkînî yê Mêrîwanî ra yê û keyeyê Çaretelepî ra yê. Dewlete kerdişanê winasênan bêceza verdena û bi nê hawayî kaos zêdînena. Seba ke îradeyê Rojhelatî do bêro şiknayene serebûtî zêdîyabî. Rejîm serebûtanê teşrîna verêne de linganê çalakîkeran rê pîrketî girê dayî û eştî gola Zîraberî.

Rejîmê Îranî pê nê kerdişan wazeno netîce bigêro. Gamê winasênî do qetî nêeşkê îradeyê şarê Rojhelatî bişiknê. Serewedaritişê teşrîna verêne de şar maruzê zaf îşkenceyî mend bi hawayêkê barbarî ame qetilkerdene. La ma do sey şarê Mêrîwanî tim wayîrê mîrasê ê xoverdayoxanê ke erzîyayê gola Zîrebarî vejîyê.''